Zerbitzuak

Bitartekaritza familiarra

Neurrira egokitutako programen bitartez Bitartekaritza Zerbitzu Integrala eskaintzen dugu (akonpainamendu emozionala eta aholku juridikoa) bai alderdiak bakarka, bai eta elkarrekin bideratuko diren saioetan.

Programak:

1) Komunikazioa hobetzen

Bikoteen artean edo senideen artean komunikatzeko edo elkar ulertzeko zailtasunak daudenean enpatiaz nola entzun, zintzotasunez nola adierazi eta denon beharrak zainduko dituen eskaerak nola egin landuko dugu.

2) Krisi egoeratatik elkar ulermenera

Bikotekidearekin urruntze bat eman eta mesfidantza edo tentsioa nabaria denean, lehenik norbera nola dagoen eta ze behar dituen identifikatzen ikasiko dugu. Jarraian elkarri ulermena nola eman eta bion beharrak zainduko dituen eskaerak nola egin landuko dugu.

3) Bikote izatetik lagun izatera (errespetuzko banaketak)

Prozesua:

· Saio informatiboa (elkarrekin).
· Bakarkako saioak (“Nirea ulertu”, “Zurea ulertu”).
· Saioak elkarrekin (“Elkar-ulertuz”, “Soluzioen bila” eta “harreman berria eraikiz”).
· Hitzarmen Arautzailea idatzi.
· Epaitegiko prozedura epaia iritsi arte (demanda, onespena, prozesuaren jarraipena, epaia eta lekukotzak ematea).

4) Bikote ohiarekin errespetuzko komunikazioa

Adostutako akordioak betetzen ez badira, arrazoiak ulertu eta konponbideak bilatu. Errespetuz entzun eta hitz egiteko gakoak ikasi.

5) Elkarrizketa zailetarako prestakuntza

Norbaitei zure desadostasun edo ondoeza adierazi nahi diozu eta aldi berean zuen arteko harremana zaindu nahi duzu? Aldez aurretik, role playing bitartez elkarrizketa horretan esan eta zaindu nahi duzuna nola adierazi, eta jasotako erantzun posibleen aurrean nola jokatzen ikasten lagunduko dizugu.

Justizia errestauratiboa

Norbere ekintzen ardura hartu eta kaltea jaso duenak entzumen sakona, ulermena eta min horren erreparazioa jasotzeko bide bezala ulertzen dugu.

Dialogo errestauratiboak

Miña egin duena eta miña jaso duenaren artekoa. Alde bakoitzarekin landuko da bakarkako bileretan eta ondoren, elkarrekin, espazio seguru batean eta bitartekariak gidatutako prozesu batean.

Zirkulu errestauratiboak

Miña egin eta jaso duenaz gain, beraien familiako eta komunitateko zeharkako inplikatuak. Bakarkako bilerak egingo dira eta ondoren, elkarrekin, espazio seguru batean eta bitartekariak gidatutako prozesu batean.